Willie Revillame to Take a Long Vacation After Contract with TV5 Expires

Controversial TV host Willie Revillame announced on his noontime show "Wowowillie" on Tuesday that he will no longer renewing his contract with TV5 when it expires in October.

Revillame surprised his studio audience on Tuesday when he announced his intent to retire after his contract with TV5 ends this October.

"Alam ninyo, may mga personal na rason na hindi ko na sasabihin sa inyo. Ako muna'y magpapahinga ng ilang buwan, ng isang taon o anuman… Tatapusin ko na lang po ang kontrata ko sa TV5. Ganyan talaga ang buhay. Kasi kailangan ko rin ng time. Malungkot lang ay hindi tayo magkikita araw-araw. Wala nang sigawan, walang umiiyak sa saya, walang nabibigyan ng pamasahe, walang nabibigyan ng ganito," he said on national television.

The 50-year-old TV host said "burnout" is the main reason why he wanted to take a long vacation after "Wowowillie" ends this October.

"Kailangan ko ng break kasi parang na-drain ako. Na-burnout ako. Aanhin ko naman ang mga naipon ko kung magkakasakit naman ako dahil sa stress?" he said.

Revillame also revealed that he already submitted his "intent to retire" letter to the TV5 management last May 17.

Meanwhile, TV5 has released a short statement on Tuesday afternoon regarding Revillame's "intent to retire":

"We respect the decision of Mr. Willie Revillame to retire upon the expiry of his contract with TV5. We wish him well in his new pursuits."

Last week, "Wowowillie" business unit head Jay Montelibano denied rumors that Willie Revillame is allegedly demanding a P90-million monthly talent fee from TV5.


Cross-published in: http://www.starmometer.com/2013/05/21/willie-revillame-to-expire-his-contract-with-tv5-wowowillie-to-end-in-october/

JULIA BARRETTO, MAGBIBIDA NA SA KANYANG KAUNA-UNAHANG TELESERYE

Sasabak na ang rising Kapamilya teen star na si Julia Barretto para sa kanyang kauna-unahang pagbibidahang teleserye ngayong opisyal nang inihayag ng ABS-CBN na siya ang magiging lead star ng TV remake ng nobela ni Dominador Ad Castillo na "Cofradia." Bago pa man siya maging parte ng Star Magic Circle 2013, unang napansin ng TV viewers si Julia hindi lang dahil galing siya sa isang showbiz family kundi dahil na rin sa ipinamalas niyang talento sa pag-arte sa mga teleseryeng tulad ng "Kokey," "Palos," at "Walang Kapalit." Para sa kanyang biggest break, bibigyang buhay ni Julia sa kanyang first teleserye ang papel ni Cofradia na ginampanan ng beteranang aktres na si Gloria Romero noong 1953 at ni Gina Alajar noong 1973. Ang "Cofradia" ay umiikot sa kwento ng isang babaeng natatakot umibig dahil sa kulay ng kanyang balat na magkakaroon ng kakayahan na magpalit ng anyo dahil sa mahiwagang kandila. Abangan ang kauna-unahang teleserye ni Julia na "Cofradia" ngayong 2013 sa ABS-CBN. Para sa karagdagang updates, mag-log on sa www.abs-cbn.com o sundan ang abscbndotcom sa Twitter.

'ANNALIZA' CAST SUSUGOD SA STA. LUCIA EAST GRAND MALL NGAYONG LINGGO

Isang kapana-panabik na mall show ang ihahandog ng cast members ng ABS-CBN family drama na Annaliza sa mismong bisperas ng premiere nito ngayong Linggo (May 26), 6PM sa Sta. Lucia East Grand Mall, sa Cainta, Rizal. Naroon para magpasaya ang mga bida sa Annaliza na kinabibilangan ng rising teleserye princess na si Andrea Brillantes, Zanjoe Marudo, Kaye Abad, Denise Laurel, Patrick Garcia, Carlo Aquino, Khalil Ramos at Sue Ramirez. Abangan ang isang gabing puno ng nakakaaliw na song numbers, games at prizes.  Bukas at libre ang naturang show para sa lahat kaya naman inaanyayahan na ang buong pamilya na makisaya. Huwag palalampasin ang pag-uumpisa ng Annaliza ngayong Lunes (May 27), bago mag-TV Patrol sa Primetime Bida ng ABS-CBN. Para sa mga updates, i-like ang official Facebook page nito sa https://www.facebook.com/Annaliza2013o sundan ang @Annaliza2013 sa Twitter at pag-usapan ito gamit ang hashtag na #Annaliza.

UNANG TATLONG ACTS NA LALABAN SA PGT GRAND FINALS, KINILALA NA

Pasok na sa grand finals ng pinakamalaki at pinakaenggrandeng talent-reality show sa bansa na "Pilipinas Got Talent" ang bandang MP3, black light dancers na Zilent Overload, at YouTube sensation na si Roel Manlangit matapos silang piliin ng sambayanan at ng judges. Nanguna sa botohan ang Mp3 band na mula Davao City at nakuha ang 25.69% ng online at text votes kaya naman sigurado na itong pasok sa finals. Unanimous naman ang naging pagpili ng Big Three judges sa Zilent Overload ng Pasig City, habang si Roel Manlangit ng Bukidnon ay nakapasok matapos makuha ang boto nina Kris Aquino at Freddie "FMG" Garcia. Taliwas ang naging boto ni Ai Ai Delas Alas na ibinigay niya naman sa flairtending teen na si Chaeremon Basa na isa rin sa acts na lumaban sa battle for survival round. Ito ang pinakaunang pagkakataon sa kasaysayan ng PGT kung saan dalawang semi-finalist acts ang pipiliin ng judges para makausad sa grand finals. Ngayong linggo, tatlong pwesto na lang ang natitira. Sino kaya sa breakdancers na D' Intensity Breakers, metal ring dancer na si Frankendal Fabroa, folk dancers na Bughaw Folkloric Dance Group, power vocalists na The Miss Tres, 24-year-old siren na si Eumee Lyn Capile, at car drifters na Lateral Drift Productions ang lalaban hanggang sa pagtatapos ng kumpetisyon? Huwag palalampasin ang ikalawang  live semi-final performance night ng "Pilipinas Got Talent" sa Sabado (May 25), pagkatapos ng "MMK," na susundan ng ikalawang live semi-final results night sa Linggo (May 26), pagkatapos ng "Rated K" sa ABS-CBN. I-tweet ang inyong mga opinion gamit ang hashtag na #PGT4.

DESIREE DEL VALLE, ITUTUWID ANG LANDAS NI ANDI EIGENMANN

Magbibida ang Kapamilya actresses na sina Andi Eigenmann at Desiree del Valle ngayong Sabado (Mayo 25) sa espesyal na heavy drama episode ng top-rating drama anthology ng ABS-CBN na "Maalaala Mo Kaya." Bibigyang-buhay ni Desiree ang karakter ni Jane, ang mapagmahal na pinsan ng isang escort girl na si Lyka (Andi). Sa kabila ng kanilang mga hindi pagkakaunawaan, ginawa pa rin ni Jane ang lahat upang mailagay sa tamang landas si Lyka. Ngunit hindi nagtagal, lalong nasira ang buhay ni Lyka nang siya ay malulong sa droga at mabuntis ng isang lalaking may asawa. Mahahanap pa ba ni Jane sa kanyang puso na bigyan ng pangalawang pagkakataon upang magbago si Lyka? O tatalikuran na nga ba niya ang tao na itinuring na niyang parang isang tunay na kapatid? Kasama nina Andi at Desiree sa "MMK" episode sina Gloria Sevilla, Aaron Villena, Mickey Ferriols, Mico Palanca, Julia Base, Abby Bautista, Simon Ibarra, Lloyd Zaragoza, Mike Lloren, Via Veloso, at Girlie Alcantara. Ito ay sa ilalim ng pananaliksik ni Alex Martin, panulat ni Benson Logronio, at direksyon ni Erick Salud. Huwag palampasin ang isa namang de-kalibreng family drama episode ng "MMK" ngayong Sabado, pagkatapos ng "Wansapanataym," sa ABS-CBN. Para sa iba pang updates, mag log on sawww.mmk.abs-cbn.com, sundan ang @MMKOfficial sa Twitter, at i-"like" angwww.facebook.com/MMKOfficial.

“I- VICE GANDA MO ‘KO SA ARANETA,” PINAKAMABENTANG CONCERT NG TAON

Dumagundong ang tawanan, hiyawan, at tilian sa Big Dome kamakailan sa pagdagsa ng mahigit 13,000 fans sa unkabogable at sold-out comedy concert ng phenomenal box-office star na si Vice Ganda na "I-Vice Ganda Mo 'Ko Sa Araneta."         

Muling pinatunayan ni Vice ang lakas ng kanyang hatak sa buong sambayanan sa pag-break niya ng record bilang nangungunang local artist na may pinakamataas na concert ticket sales ngayong 2013, ayon sa ticket distributor na Ticketnet. 

Hindi binigo ni Vice ang libo-libong tao na sumuporta sa kanyang pangatlong concert sa Smart Araneta Coliseum kung saan non-stop niyang pinatawa, pinasaya, at pinangiti ang lahat sa pamamagitan ng kanyang makukulit at nakaaaliw na pasabog kabilang ang tatlong version ni Vice na ikinaloka ng lahat—Vice as Senator, Vice as Beauty Queen, at Vice as Bold Star.

Walang tigil din naman ang hiyawan ng mga masusugid na taga-suporta ni Vice sa sunod-sunod na production numbers ng kanyang guests kung saan tampok ang panghaharana ni Daniel Padilla ng kanyang single na "Kumusta Ka;" pagsasayaw ni Enrique Gil ng dance craze na 'The Gentleman;' pakikipagbiruan at asaran nina Dawn Zulueta, Paulo Avelino, at Ai Ai delas Alas; at ang pinakabonggang pasabog na sorpresang pagbisita ni Coco Martin sa comedian.

Bukod sa kanyang special guests, dumating din naman sa concert ni Vice ang ABS-CBN President na si Charo Santos-Concio, channel head na si Cory Vidanes, TV production head na si Lauren Dyogi, direktor na si Wenn Deramas, at ang ilan sa pinakamalalapit niyang kaibigan sa showbiz tulad nina Kris Aquino, ZsaZsa Padilla, Janice de Belen, Jed Madela, Karylle, Ryan Bang, Yael Yuzon, Chokoleit, at Anne Curtis. 

Ang "I-Vice Ganda Mo 'Ko Sa Araneta" ay sa ilalim ng direksyon ni Bobet Vidanes at musical director na si Marvin Querido. 

Para sa karagdagang impormasyon, mag-log on sa www.abs-cbn.com o sundan ang @abscbndotcom sa Twitter.

44 KALOKALIKES NG “IT’S SHOWTIME,” LEVEL UP NA SA PATALBUGAN

Apatnapu't apat na "Kalokalikes" ng pinakasikat na local at international stars, ang maghaharap at magpapasiklaban sa kabaliwan, dating, at itsura sa pinakabonggang pagtatagpo na "Kalokalike Level Up" ng top-rating Kapamilya noontime show na "It's Showtime" simula ngayong Lunes (Mayo 20).

Walang humpay na pasabog at pagpapasikat ang dapat na abangan sa "Kalokalike Level Up," na siyang magsisilbing semi-finals round na gaganapin sa loob ng dalawang linggo mula Mayo 20 hanggang 31.

Ang magwawagi naman sa bawat araw ang siyang papasok sa grand finals na gaganapin sa Hunyo 1.

Magsisilbi namang hurado ang mga bigatin at batikang hurado na isa-isang kikilatisin ang 44 Kalokalikes kung saan isa lamang ang tatanghaling Ultimate Kalokalike na magwawagi ng P300,000. Makakatanggap naman ang first runner-up ng P200,000 at ang second runner-up ng P100,000.

Talaga namang pinag-usapan ang Kalokalike segment mula nang ilunsad ito noong Enero dahil sa ilan sa mga nakakalokang contestants nito gaya nina Coco Martin, Kim Chiu, Joey De Leon, at Daniel Padilla. Simula noo'y naging lagi na itong trending at pinagkakaguluhan sa social networking sites na Twitter at Facebook.

Isa lamang ang Kalokalike Level Up sa mga inihahandang pakulo ng "It's Showtime," ang numero unong noontime show ng bansa na pinangungunahan ng hosts na sina Anne Curtis, Vice Ganda, Vhong Navarro, Billy Crawford, Karylle, Kuya Kim Atienza, Teddy Corpuz, Jugs Jugueta, Jhong Hilario, Ryan Bang, Coleen Garcia, at Eric 'Eruption' Tai.

Subaybayan na ang inyong mga pambatong Kalokalike. Manatiling manood ng "It's Showtime," 12:30PM mula Lunes hanggang Biyernes at 12NN tuwing Sabado sa ABS-CBN. Para sa updates ng programa, sundan ang @ItsShowtimena sa Twitter o i-like ang www.facebook.com/itsShowtimena. Para naman muling panoorin ang nakaraang episodes ng Kalokalike, bisitahin ang showtime.abs-cbn.com.

HALALAN 2013 COVERAGE NG ABS-CBN, MAS TINUTUKAN NG BAYAN

Mas maraming Pilipino sa buong bansa ang tumutok sa ABS-CBN mapa-telebisyon man o online para makuha ang pinakahuling balita at pangyayari sa iba't ibang bahagi ng bansa at sa buong mundo na idinaos na halalan noong Lunes (Mayo 13).

Panalo sa national TV ratigns ang "Bayan Mo, iPatrol Mo: Tayo Na Halalan 2013" coverage ng ABS-CBN mula 6AM hanggang 12MN na nakakuha ng 13.7% ratings kumpara sa GMA's "Eleksyon 2013" na nakakuha lang ng 10% ratings, ayon sa datos ng Kantar Media na sakop ang parehong urban at rural homes.

Pumalo ng 27% ang "TV Patrol" na pinangunahan nina Noli De Castro, Korina Sanchez, at Ted Failon, o siyam na puntos na mas mataas laban sa "24 Oras" na nagtala lamang ng 18.4%.

Sinubaybayan din ang coverage ng ABS-CBN maging sa Twitter kung saan mas ginamit ng netizens ang hashtag na #Halalan2013, kung kayat' naging trending topic ito sa naturang social networking site. Ito ang natatanging hashtag ng election coverage ng isang news organization na nakapasok sa trending topics ng Twitter sa araw ng halalan.

Binalikan din ng ABS-CBN ang ilan sa mga pinakamaiinit na tunggalian sa mga lokal na posisyon sa "KampanyaSerye" sa pamamagitan ng paghahatid ng sariwang updates sa mga resulta ng botohan sa mga lugar gaya ng Manila, Masbate, Cavite, Cebu, Pampanga, Zamboanga, at Laguna.

Bukod sa pagbibigay-diin sa mga lokal na kandidato, nanguna rin ang ABS-CBN sa pagbibigay ng updates ukol sa resulta ng botohan ng overseas absentee voters hatid ng news bureaus ng ABS-CBN sa iba't ibang bahagi ng mundo.

Sa tulong ng kalahating milyong Bayan Patrollers at 221 reporters sa Pilipinas at iba't ibang bansa na nakakalat sa 45 live points, hindi lamang inihatid ng ABS-CBN ang pinakakomprehensibong coverage ng halalan kundi mas pinaigting din pagpapatrol sa mga hinaing at problema ng mga botante sa kani-kanilang distrito. Kasama na rito ang mga pinaka-pinaniniwalaan na analysts na hinamay ang mga isyu at resulta sa "Halalan 2013."

Tampok din sa "Halalan 2013" ang walang patid na 48-hour coverage ng ANC, ang malawak na pagbabalita ng parehong DZMM TeleRadyo at DZMM Radyo Patrol 630 para sa cable TV at AM radio, at ng ABS-CBNNews.com na naglaan ng pinakahuling balita, pagsusuri sa mga resulta ng botohan at ranking ng mga kandidato, at ang social media tracker na inilunsad kasama ang IBM Philippines para analisahin ang mga komentaryo ng mga netizen tungkol sa mga senatorial candidate.

Naging kaakibat din ng mga mamamayan ang  Comelec-Halalan 2013 mobile app ng ABS-CBN para sa mga smartphone at tablet na tumulong sa kanilang hanapin ang kanilang presinto, ang listahan ng mga kandidato at partylist, pati na ang resulta sa mga lokal at national polls base sa datos ng Comelec.

Bumida sa coverage ng ABS-CBN ang celebrity patrollers nito para sa "Bayan Mo, iPatrol Mo: Tayo Na" kabilang na sina Bianca Gonzalez, Valerie Concepcion, Melai Cantiveros, Chieffy Caligdong ng Philippine Azkals, John Lapus, Sam Concepcion, Jed Madela, at iba pa na tumanggap ng mga katanungan at komento ukol sa mga kaganapan sa kanilang lugar sa pamamagitan ng kanilang personal na Twitter accounts.

Malaking bahagi rin ng Halalan 2013 coverage ng ABS-CBN ang citizen journalism arm nitong BMPM na nagtayo ng stations sa higit 30 lugar sa bansa upang tulungan ang mga botante na nahihirapang hanapin ang kanilang presinto, tumanggap ng reports ng mga iregularidad at suliranin sa halalan, at magresponde sa mga emergency hatid ng first aid personnel nito.

Inilunsad ng ABS-CBN ang "Halalan 2013" coverage nito isang taon bago ang halalan upang tulungan at bigyan ng sapat na kaalaman ang mga Pilipino nang sa gayo'y makapamili sila ng mga karapat-dapat na lider at makamit ang pagbabagong nais nilang mangyari sa bansa. 

Ang "Halalan 2013" ang tumugon sa mga pangangailangan ng publiko hindi lamang sa pagbibigay ng impormasyon sa iba't ibang nitong media platforms kundi pati na rin sa pagbibigay ng serbisyo publiko sa pamamagitan ng BMPM stations nito kung kaya ABS-CBN ang pinaka-pinagkatiwalaan na istasyon na nag-ulat ng halalan.

LIFE STORY NI KEVIN BALOT, TAMPOK SA “MMK”

Kwento ng pagmamahal sa pamilya at pagtanggap sa sarili ang ibabahagi ng "Maalaala Mo Kaya" ngayong Sabado (Mayo 18) tampok ang life story ng Miss International Queen 2012 na si Kevin Balot. Gaganap bilang ang transgender na si Kevin ang isa sa pinaka-promising na Kapamilya actor na si Martin Del Rosario. Bilang nag-iisang anak na lalaki sa kanilang pamilya, sinubukan ni Kevin na talikuran ang kanyang tunay na sekswalidad at tuparin ang pangarap ng kaniyang ama na maging isa siyang engineer. Ngunit hindi nagtagal, hindi na naitago pa ni Kevin ang kanyang tunay na pagkatao sa kaniyang tatay, dahilan upang magbago ang magandang samahan ng kanilang pamilya. Paano nga ba mapapatunayan ni Kevin sa lahat ng tao na hindi isang hadlang ang kanyang sekswalidad sa pag-abot ng kaniyang mga pangarap? Kasama ni Martin sa "MMK" episode ngayong Sabado sina Al Tantay, Shamaine Centenera, Kokoy De Santo, Kristel Fulgar, Toby Alejar, Emmanuelle Vera, Cheska Billones, Louise Bernardo, Princess Freking, at Dax Bayani. Ito ay sa ilalim ng pananaliksik ni Agatha Lee Ruadap, panulat ni Benson Logronio, at sa direksyon ni Mae Czarina Cruz. Huwag palampasin ang isa namang de-kalibreng family drama episode ng "MMK" ngayong Sabado, pagkatapos ng "Wansapanataym," sa ABS-CBN. Para sa iba pang updates, mag log on sawww.mmk.abs-cbn.com, sundan ang @MMKOfficial sa Twitter, at i-"like" angwww.facebook.com/MMKOfficial.

HIMIG HANDOG P-POP LOVE SONG FINALIST NA SI WYNN ANDRADA, PUMIRMA NG KONTRATA SA STAR RECORDS

Pumirma na ng recording deal ang finalist sa songwriting competition na 'Himig Handog P-pop Love Song' na si Sherwin 'Wynn' Andrada sa Star Recording Inc. kamakailan. Kasama sa mga unang proyektong inihain para kay Wynn ang kaniyang kauna-unahang solo album kung saan isa sa kabilang na singles ang kanyang 'P-Pop love song' entry na "Tamang Panahon." "Napaka-overwhelming po ng pagkakataong ito at hindi ko sasayangin ang tiwala ng Star Records. Sa una kong album, karamihan po roon ay original compositions ko, mostly mga love song," sabi niya. Ibinahagi din ng 18 taong gulang na musikero kung paano siya sumusulat ng mga awiting talaga namang tumatatak at nakakaantig sa puso ng mga tagapakinig. "Sa pagko-compose po ng mga kanta, kadalasan binabase ko sa mga personal experience ko, sa mga crush ko o minsan base naman sa mga kwento ng mga kaibigan," kwento ni Wynn. Nang tanungin kung sino sa mga Kapamilya female star ang nagsisilbing "inspirasyon" niya sa paglikha ng kanta, walang pagdadalawang-isip na pinangalanan ni Wynn si Kim Chiu bilang ang kanyang celebrity crush at nagpasaring pa na willing siya umanong gumawa at mag-alay ng kanta para sa primetime princess. Bukod sa pag-awit at pagcompose ng kanta, tumutugtog din si Wynn ng musical instruments gaya ng drums, acoustic guitar, bass guitar, at marami pa. Bukas din daw ang binata sa mga acting project kung sakaling may mag-aalok sa kanya. Dumalo sa contract signing sina Star Creatives head Malou Santos, Star Records head Roxy Liquigan, Star Songs head Marivic Benedicto, at talent managers na sina Don Don Monteverde, Rex Belarmino, at Chinie Go.

IZZY CANILLO MAGBIBIDA SA “MY LITTLE JUAN”

Mula sa lumalaking mundo ng no.1 super-hero drama series na "Juan dela Cruz," muling magbabalik ang Kapamilya child wonder na si Izzy Canillo bilang ang pilyong batang si Juan sa pinakabagong Kapamilya Gold teleserye na "My Little Juan." 

Unang nagpabilib sa reality talent search na "Star Circle Kid Quest Season 3," at mga programang tulad ng "Ikaw Ay Pag-ibig" at "Goin' Bulilit," higit na tumatak sa puso ng mga manonood si Izzy nang kanyang gampanan ang makulit at bibong karakter ng batang Coco Martin sa "Juan dela Cruz." 

At sa pagbubukas ng "My Little Juan," muling bibigyang-buhay ni Izzy ang papel ng kakaibang batang si Juan na siyang bunga ng pagmamahalan ng Tagabantay na si Amelia (Mylene Dizon) at ng Haring Aswang na si Samuel (Albert Martinez). 

Tunghayan sa "My Little Juan" ang kwento ng buong pagkatao at pinagmulan ni Juan at ang kanyang exciting na adventures kasama si Fr. Cito (Jaime Fabregas) bago siya maging isang ganap na superhero. Ang "My Little Juan" ay sa ilalim ng direksyon ni Darnel Villaflor. 

Huwag palampasin ang kapanapanabik na pagsisimula ng "My Little Juan," ngayong Lunes, 2:45 ng hapon, pagkatapos ng "It's Showtime" sa Kapamilya Gold. Para sa karagdagang impormasyon mag-log on lang sa www.abs-cbn.com, o i-follow ang @abscbndotcom sa Twitter.

NAPAKA-DARING NA PELIKULANG "PALITAN" MAPAPANOOD SA SINEHAN SIMULA MAY 22

Ang inaabangang pelikulang "Palitan" ni Direk Ato Bautista ay mapapanood na sa mga sinehan simula ika-22 ng Mayo.

Mga bida rito sina Mara Lopez at ni Alex Medina, kapwa anak ng mga batikang artista. Si Mara ay anak ng beauty queen-turned-actress na si Maria Isabel Lopez, at paboritong artista ng mga independent filmmaker. Habang si Alex ay anak ng beteranong artistang si Pen Medina, at mainstay ng ABS-CBN teleserye "Ina, Kapatid, Anak" kung saan siya ay gumaganap ng papel nasi Diego.

Sa sinasabing pinaka-challenging na roles ng kanilang career, ang dalawang artista ay nagpakalayo sa kanilang comfort zones. Sabi ni Mara, "Kabaligtaran ng tunay na katauhan ko ang karakter ni Luisa. Binuhos ko ang sarili ko sa project na ito. Maraming hinugotsa akin, hindi lang physically kundi emotionally din." Pahayag ni Alex, "First time ko sa isang daring role at napakahirap pala." Magaling ang kanilang pagkakaganap sa "Palitan," hinirang sina Mara at Alex bilang Best Actress at Best Actor sa Cinema One OriginalsFilm Festival 2012.

Ang "Palitan" ay isang erotic drama-thriller na ang setting ay sa Raon, Quiapo.Ito ay tungkol kay Nestor (Alex) na lubog sa utang sa kanyang boss na si Ramiro (Mon Confiado), may-ari ng electronics shop at may pagnanais kay Luisa (Mara) na asawa ni Nestor. Dahil sa desperasyong makabayad sa utang, nakipagkasundo si Nestor kay Ramiro na kunan patago si Luisa habang naliligo at ibigay ang footage kay Ramiro—isang palitan higit pa sa pera ang kabayaran.  

Tunay na mapangahas ang istilong pagdidirek nito and direktor na si Ato Bautista. Ani niya, "Sa bawat pelikula, palagi kong dine-dare ang sarili kong gawin ang hindi ko pa nagagawa. Sa Palitan sumubok akong mag-shoot ng napaka-sexy at napakahabang bed scene."

Ang "Palitan" ay Rated R-16 without cuts ng MTRCB. Ipalalabas ito simula Mayo 22 sa mga susunod na sinehan sa Metro Manila: Shangri-La Cineplex, SM Megamall, Robinsons Galleria, SM North EDSA, SM Mall of Asia, SM San Lazaro, SM Manila, SMCenterpoint, SM Fairview, SM Marikina, SM Southmall, at Eastwood Cinema. Bukod sa Metro Manila, mapapanood rin ito sa SM Bacoor, SM San Fernando, Robinsons San Fernando, SM Clark Pampanga, Sobinsons Sta. Rosa, Robinsons Lipa, SM Cebu, SM Davao, Robinsons Iloilo, at Robinsons Bacolod.

Huwag palampasin ang "Palitan." Parasa karagdagang impormasyon, sundan ang @cinema_one sa Twitter and at i-like ang www.facebook.com/Cinema1channel .

SUNSHINE, UMAASANG MABUBUO MULI ANG PAMILYA?

Unti-unti nang nabubuhay ang pag-asa sa puso ni Isabel (Sunshine Cruz) na matatagpuan pa niya ang kanyang panganay na anak matapos niyang makita muli ang dating kasambahay na si Elena (Ana Capri) sa Kapamilya Gold action-drama series na "Dugong Buhay." Sa pagku-krus ng mga landas nina Isabel at Elena, lalong titindi ang galit sa puso ni Victor (Ejay Falcon) ngayong pinaplano ng mga De Lara na ipadakip ang kanyang ina. Mapagtatagumpayan nga ba ni Isabel ang paghahanap sa kanyang anak? O tuluyan na lang ba niyang tatanggapin na wala na ito? Sa pagtuklas ng koneksyon ni Elena sa mga De Lara, paano nga ba magbabago ang takbo ng buhay ni Victor kapag nalaman niya na siya ang nawawalang anak ng pamilyang kanyang pinaplanong sirain? Patuloy na tutukan ang pag-init ng mga tagpo sa "Dugong Buhay" tuwing hapon pagkatapos ng "May Isang Pangarap" sa Kapamilya Gold ng ABS-CBN. Para sa karagdagang updates, mag-log on sawww.abs-cbn.com o i-follow ang @abscbndotcom sa Twitter.

DENISE LAUREL AT KAYE ABAD, SASABAK SA NAIIBANG ROLES SA 'ANNALIZA'

Matapos ang kani-kaniyang tagumpay sa mga teleseryeng Precious Hearts Romances Presents Paraiso at Angelito: Ang Bagong Yugto, handang-handa na sina Denise Laurel at Kaye Abad para sa bagong soap at bagong mga papel na gagampanan nila sa inaabangang family drama na "Annaliza." Kakaiba ang kanilang pagganap sa nasabing teleserye dahil kung dati'y si Denise ang kontrabida, siya naman ngayon ang mapagmahal at mahabaging si Isabel na mapapalapit ang puso kay Annaliza. Si Kaye naman, na nakilala sa mga mababait na roles, ay gagampanan ang papel ng kontrabidang si Stella na siyang nakatakdang magbigay ng miserableng buhay sa bata.  Makakasama nila Kaye at Denise sa "Annaliza" ang susunod na teleserye princess na si Andrea Brillantes, mahuhusay na mga aktor na sina Zanjoe Marudo, Patrick Garcia, at Carlo Aquino, pati na ang rising teen sensations na sina Khalil Ramos, Sue Ramirez at Kiko Estrada. Ang Annaliza ay isang family drama tungkol sa isang batang puno ng pagmamahal sa kanyang puso at bagamat inaapi, ay patuloy na kumakapit at nananalig sa Diyos. Para sa mga updates tungkol sa Annaliza, manatiling nakatutok sa ABS-CBN, i-like ang Facebook page nito sahttps://www.facebook.com/Annaliza2013, sundan ang @Annaliza2013 sa Twitter at pag-usapan ito gamit ang hashtag na #Annaliza.

“WANSAPANATAYM,” BEST CHILDREN’S PROGRAM SA BANSA

Muling tumanggap ng pagkilala ang top-rating fantasy-drama anthology ng ABS-CBN na "Wansapanataym" kamakailan matapos itong parangalan bilang Best Children's Program sa ginanap na 21st Golden Dove Awards sa Kapisanan ng mga Brodkaster sa Pilipinas (KBP). Ito ay isa na namang karagdagan sa mga parangal na natanggap ng "Wansapanataym" mula sa iba't ibang award-giving bodies tulad ng Catholic Mass Media Awards (CMMA), PMPC Star Awards for TV, at ng National Commission on Culture and Arts.

Bilang pasasalamat sa patuloy na tagumpay ng 'story book ng batang Pinoy,' isa na namang kwento na punong puno ng aral ang ihahatid ng "Wansapanataym" ngayong Sabado (Mayo 4) sa espesyal na episode na 'Eye Naku.' 

Gagampanan ng Kapamilya child star na si Dexie Daulat ang karakter ni Maita, isang bata na mayroong malabong mga mata. Nang gawin ng reyna ng mga mikrobyo na tirahan ang kanyang mga mata, naging malinaw agad ang paningin ni Maita at nagkaroon ito ng kapangyarihan na makakita nang tulad ng isang microscope. Matutunan na kaya ni Maita na pahalagahan ang kanyang mga mata kapag nagkaroon na ng sakit ang kanyang mga kapatid at kaibigan dahil sa reyna ng mga mikrobyo? 

Kasama rin ni Dexie sa 'Eye Naku' episode sina Khalil Ramos, Michelle Vito, Ruby Rubi, Gigi Locsin, CJ de Guzman, Patricia Camo, at JM Briones. Ito ay sa ilalim ng panulat ni Mariami Tanangco-Domingo, at direksyon ni Jerome Pobocan. 

Huwag palampasin ang storybook ng batang Pinoy, "Wansapanataym" tuwing Sabado ng gabi pagkatapos ng "Kapamilya: Deal or No Deal" sa ABS-CBN. Balikan din naman ang mga lumang episode nito na 'Cocoy Shokoy' sa Miyerkules (Mayo 1), 'Juan to Tree' sa Huwbes (Mayo 2), at 'Fairy Garden' sa Biyernes (Mayo 3) sa "WansapanaSummer," araw-araw, 10:15am sa ABS-CBN. 

Para sa karagdagang updates, mag-log on lang sa www.abs-cbn.com o sundan ang@abscbndotcom sa Twitter.

SIKAT NA JAPANESE MANGA CHARACTERS NA NGAYO’Y PANG-TELEBISYON: HANDOG NG HERO TV SA BUWAN NG MAYO

Ipinagpapatuloy at ipinapatindi ng Hero TV ang kanilang superhero invasion sa paghahatid ng mga bago at popular na anime ngayong buwan ng Mayo.

Nangunguna sa listahan ng mga inihahandog ng number one anime channel sa bansa ang tema nilang "Invincible Sketch of May", kung saan binibigyan ng buhay ang mga patok na Japanese komiks sa kanilang pagle-level up sa pagiging mga kwentong pangtelebisyon. Kasali sa temang ito ang mga bagong titulong "Bleach: Fade to Black", "Kuroko's Basketball", "Gintama: Season 5", "Vampire Knight", at "Digimon: Xros Wars".

Sa "Bleach: Fade to Black" ang main character na si Ichigo Kurosaki ay kinakailangang ibalik ang mga nawawalang memorya ng kanyang mga kaibigan. Ito ay ipapalabas sa Mayo 12, 12:00 a.m., 12:00 p.m., at 9:00 p.m.

Panooring ang mga nakakagulat na pwede palang mangyari sa mundo ng basketbol sa "Kuroko's Basketball", na maipapalabas sa Mayo 23 ng 9:00 p.m., 3:00 p.m, 4:00p.m, at 8:00 p.m.

Matuwa's matwa naman sa bagong season naman ng Gintama, kung saan magbabalik ang ating mga jack of all trades free lancers sa May 24 nang 9:00 p.m., na may replays nang 12:00 a.m., 3:00 a.m., 9:00 a.m., at 3:00 p.m.

Sa "Vampire Knight" naman na maguumpisa ngayong Mayo 10, makikita natinang isang mundo kung saa'y nagsasama-sama ang mga bampira at mga tao—kaya't sa Cross Academy, nakahiwalay ang mga estudyante sa dalawang seksyon—ang Day Class at ang Night Class.

Kasama't hindi talaga nahuhuli sa mga bagong titulo ng Hero TV ay ang "Digimon: Xros Wars", kung saan maibabalik tayo sa DigiWorld para sa laban ng bagong main character na si Shoutmon at ang kaniyang kinakalabang Bagura Empire.

Nagbabalik naman ang iba sa mga paborito niyong mga anime: ang "Yakitatae Japan", "Hack/Legend of the Twilight", "Legend of Legendary Heroes", at "Dubber's Cut: Kuroko's Basketball"—na lahat ay nagdadala pa rin ng mga kwentong nakaka-inspire at nakakapagbigay ng iba't ibang porma ng pagtulong at pagligtas sa mga nangangailangan.

Abangan ang paborito niyong mga animated characters sa Hero TV (SkyCable Channel 44), ang numero unong anime cable channel sa bansa. Para sa mga updates at airing schedule, bumisita sa official website nito nawww.myheronation.com.

LUIS, NAGING EMOSYONAL NANG MAGLARO SI EDU SA “DEAL” #DealOrNoDeal

Walang kamalay-malay si Luis Manzano, na nagdiwang ng kanyang kaarawan kamakailan, na ang ama na pala niyang si Edu Manzano ang maglalaro at haharap kay Banker sa kanyang hit game show na "Kapamilya Deal or No Deal" noong Sabado (Abril 27). Sinorpesa ni Edu si Luis nang bigla itong lumabas sa entablado at sumayaw ng kanyang hit dance craze na "Papaya" kasama ang 24K girls. Hindi na nga napigilan ni Luis na mapaiyak habang yakap ng kanyang ama. "Isa sa pangarap ko nang tinanggap ko ang 'Deal' ay maghost para sa daddy ko, and tonight my wish is coming true," sabi ni Luis. Naging emosyonal na rin si Edu habang nagpapasalamat sa lahat ng nasa likod ng programa sa pag-imbita sa kanya. Dagdag pa ni Edu, "Sa mga taga-ABS-CBN, kahit nandoon ako sa kabilang bakod ay nandirito pa rin kayo sa puso ko." Hindi pinalad si Edu na mauwi ang milyon pero nakakuha naman siya ng halagang P50,000 na laman ng napili niyang briefcase number 9. Patuloy na tumutok tuwing Sabado ng gabi sa "Kapamilya Deal or No Deal," pagkatapos ng "TV Patrol Weekend" sa ABS-CBN. Ipahagay ang inyong mga opinyon, reaksyon, at saloobin sa programa sa Twitter gamit ang hashtag na #KapamilyaDOND.  

TUNAY NA KASARIAN NI JC, MABUBUNYAG NA KAY PAUL JOHN SA “TO THE BEAUTIFUL YOU”

Malalaman na ni Paul John ang lihim ni JC ngayong Miyerkules (May 1) sa mas nakakakilig pang kuwento ng "To the Beautiful You." Bibisita ang kapatid ni JC mula sa US na si Daniel sa Seoul na maglalagay sa alanganin kay JC. Susubukan niyang itago ang kanyang lihim kay Daniel sa pamamagitan ng pagbibihis babae uli. Pero tila wala talagang lihim na hindi nabubunyag dahil aksidenteng mapapadpad sa kanyang eskwelahan ang kanyang kapatid at mabubuko ang pagpapanggap niya bilang isang lalaki. Kukumprontahin si JC ni Daniel na siya namang aksidenteng maririnig ni Paul John. Paano ito tatanggapin ng high jump superstar? Itataboy niya ba si JC? Ito na kaya ang simula para mas lalo magkakilanlan ang dalawa? Huwag palalampasin ang mainit na rebelasyon ngayong Miyerkules (May 1) sa "To the Beautiful You," pagkatapos ng "Pinoy True Stories" sa first and true home of Asianovelas, ang ABS-CBN.

 

SIYAM NA SENATORIAL CANDIDATES, HINARAP ANG BAYAN SA HULING “HARAPAN 2013” DEBATE

Hinarap ng siyam na senatorial candidates ang buong bayan noong Linggo ng gabi (Abril 28) sa pangalawa at huling "Harapan 2013: The Senatorial Debate" ng ABS-CBN na ginanap sa La Consolacion College sa Maynila. Nagdebate sina Samson Alcantara, Rep. Sonny Angara, Greco Belgica, Baldomero Falcone, Richard Gordon, Ricardo Penson, Grace Poe-Llamanzares, Christian Seneres, at Bro. Eddie Villanueva at ipinahayag ang kanilang opinyon sa sari-saring isyu at usaping batas. Sa paspasan rounds, inilahad ng mga kandidato ang kanilang magkakaibang saloobin sa pagtatanggal ng pork barrel, ang pagbabalik ng parusang kamatayan sa bansa, kung sino ang susuportahan nila sa pagka-pangulo sa halalan sa 2016, at kung sinong superhero ang gusto nilang tularan. Samantala, inisa-isa naman ng moderator na si Ted Failon ang mga kandidato mula sa Team PNoy at United Nationalist Alliance na hindi sumali sa debate noong Linggo at noong nakaraang Linggo (Abril 21) na nagbigay ng iba't ibang dahilan sa kanilang hindi pagdalo. Sila ay sina Nancy Binay, Sen. Alan Peter Cayetano, Tingting Cojuangco, Rep. Jack Enrile, Sen. Francis Escudero, JV Ejercito Estrada, Sen. Gringo Honasan, Sen. Loren Legarda, Jamby Madrigal, Sen. Antonio Trillanes IV, Cynthia Villar, at Miguel Zubiri. Ang "HARAPAN 2013" ay bahagi ng "Halalan 2013," ang election coverage ng ABS-CBN na naglalayong mapalawak ang kaalaman ng mga Pilipino bago ang paparating na botohan sa Mayo. Layunin ng "Halalan 2013" na tulungan at bigyan ng sapat na kaalaman ang mga Pilipino nang makapamili sila ng mga karapat-dapat na lider upang makamit ang pagbabagong nais nilang mangyari sa bansa. Para sa updates, sundan ang @ABSCBN_Halalan sa Twitter o i-like halalan2013.abs-cbnnews.com.

ABS-CBN HUMAKOT NG 32 GOLDEN DOVES

Namayagpag muli ang ABS-CBN sa ika-21 na Golden Dove Awards ng Kapisanan ng Broadkaster ng Pilipinas (KBP) kamakailan matapos itong humakot ng 32 tropeo kabilang ang Best TV Station award, habang ipinagkaloob naman ang pinakamataas na parangal sa presidente at CEO ng network na si Charo Santos-Concio na binigyan ng KBP Lifetime Achievement Award, at ang batikang mamamahayag na si Ted Failon na pinarangalan naman bilang Ka Doroy Broadcaster of the Year.

Iginagawad ang KBP Lifetime Achievement Award kay Concio bilang pagkilala sa kanyang naiambag sa larangan ng broadcast journalism at sa kanyang pagpapamalas ng natatanging husay sa kanyang propesyon.

"Nakakataba ng puso na mapasali sa listahan ng KBP Lifetime Achievement Awardees. Nais kong pasalamatan si Gabby Lopez at ang masisipag na empleyado ng ABS-CBN. Ang nais ko lang naman ay sundan ang yapak ng aking ama bilang isang mahusay na tagapagsalaysay at sa pamamagitan ng aking trabaho ay naisasakatuparan ko ito," pahayag ni Santos-Concio.

Pinili namang pagkalooban ng Ka Doroy Broadcaster of the Year Award si Ted Failon para sa kanyang husay sa kanyang larangan at sa pagiging isang huwaran. Ang nasabing parangal ay ipinangalan kay Tedoro Valencia na isa sa mga nauna at respetadong lider ng KBP noong dekada '60.

Wagi ng mga parangal ang mga news and current affairs program ng ABS-CBN tulad ng "TV Patrol" na kinilalang Best TV Newscast Program, ang  "Patrol ng Pilipino" bilang Best TV Public Affairs Program para sa episode na "Sa Ilalim ng Tulay: Hagupit ng Habagat," ang "Sports Unlimited" bilang Best TV Sports Program,ang "Rated K" bilang Best Magazine Program, ang "San Pedro Calungsod" bialng Best Documentary Program.

Kinilala rin ang husay ni Korina Sanchez bilang anchor nang pinarangalan itong Best TV Magazine Program Host para sa "Rated K." Gayundin si Bernadette Sembrano ng "Salamat Dok" na nasungkit naman ang Best TV Public Service Host award, habang panalo naman si Anthony Taberna bilang Best TV Public Affairs Program Host.

Bumida rin ang husay ng Kapamilya entertainment shows sa gabi ng parangal. Kabilang diyan ang "Maalaala Mo Kaya," na inuwi ang Best TV Drama Program para sa kontrobersyal nitong episode na "Pulang Laso," na tungkol sa buhay ng dalawang lalaking magkarelasyon kung saan ang isa sa sa kanila ay lumalaban sa sakit ng HIV AIDS. Ginampanan ito nina Carlo Aquino at Joem Bascon.

Best Comedy Program naman ang sitcom na "Toda Max" habang wagi bilang Best TV Children's Program ang "Wansapanataym." Kinalala naman bilang Best Musical Variety Program ang weekly concert program ni Sarah Geronimo na "Sarah G. Live."

Para naman sa natatanging pagganap ni Gerald Anderson sa "Budoy" kung kaya't pinarangalan itong Best Actor, habang wagi naman bilang Best Actress si Janice De Belen para sa karakter nito sa teleseryeng "Ina Kapatid Anak."

Kinilala rin ang Christmas Station ID ng ABS-CBN na pinamagatang "Lumiliwanag Ang Mundo sa Kwento ng Pasko" bilang Best TV Station Promotional Materials, samantalang Best TV Public Service Announcement naman ang "Choose Philippines Penumbra."

Bukod sa telebisyon ay namayagpag din ang AM radio station ng ABS-CBN na DZMM sa naturang awards night nang tanghalin itong Best AM Radio Station. Humakot din ng mga parangal ang ilang programa ng DZMM kabilang na ang Best Radio Newscast Program para sa "Radyo Patrol Balita Alas-Siyete," Best Radio Public Affairs Program para sa "Failon Ngayon sa DZMM," at Best Radio Sports Program para sa "Sports Talk."

Si Julius Babao naman ang kinilala bilang Best Radio Newscaster para sa programang "Radyo Patrol Balita Alas-Dose." Ilan pa sa mga pinarangalang anchors sina Karen Davila bilang Best Radio Public Affairs Program Host para sa "Pasada 630," Winnie Cordero bilang Best Radio Magazine Host para sa "Todo-Todo Walang Preno," at Ka Louie Tabing bilang Best Radio Science and Technology Program Journalist para sa "Sa Kabukiran."

Hindi rin nagpahuli ang ABS-CBN Cagayan de Oro na itinanghal na Best Provincial TV Station. Bukod dito, bumida pa ang ABS-CBN Regional Network Group nang iuwi nito ang Best Provincial TV Newscast Program para sa "TV Patrol Central Mindanao" ng ABS-CBN Cagayan De Oro, Best Public Affairs Provincial Program para sa "T.K.O" ng ABS-CBN Cagayan De Oro, Best TV Special Program para sa  "SILIB: Balangay Festival Special Edition" ng ABS-CBN Butuan, at Best Culture and Arts Program para sa "Mag-TV na, Atin Ito!" ng ABS-CBN Baguio.

 

Ang Golden Dove Awards ay taunang inoorganisa ng KBP, ang samahan na binubuo ng iba't-ibang broadcast media organization sa bansa kung saan ang mga nagwawagi ay pinipili sa pamamagitan ng jurors na kinakatawan ang kabataan, mga eskwelahan, religious groups, advertising industry, at gobyerno.

Tropang Kulit, kikilitiin ang sambayanan simula Mayo 11

Matapos patawanin ang milyun-milyong Pilipino sa pamamagitan ng mga gag shows nito sa nakalipas na dalawang dekada, maghahain ng bagong pakulo ang TV5 ngayong summer—ang Tropang Kulit. Ito ang pinakabagong gag-variety show para sa buong pamilya kung saan tampok ang Artista Academy Kids at host na si Gelli de Belen. Magsisimula na ng isang oras na katatawanan sa Mayo 11 (Sabado), 7PM.

Maaalalang ang Channel 5 (dating ABC-5) ang nagpasimuno ng mga nakakaaliw na palabas noong '90s gaya ng Tropang Trumpo, Wow Mali, Ogags at Ispup. Mabenta rin sa mga manonood ang kwelang gag show na LokomokoU tuwing Linggo. At dahil nakilala ang Channel 5 sa mga ganitong format, hindi malayong maging patok ang Tropang Kulit kasama ang mga pinakabagong mukha tuwing Sabado ng gabi, ang Top 11 kids ng Artista Academy (may edad na 5 hanggang 10) na napili mula sa higit na 3,000 na nag-audition—kabilang sina Ixle Kyle Banzon (9), Julie Charlotte Cadeville (5), Peter Angelo Echaluce (7), Josh Clement Eugenio (8), Jonicka Cyleen Movido (5), Mariella Frances Grace Ortiz (7), Chloe Dominique Reyes (12), John Carlo Tan (8), ang magkakapatid na Jason (11), Jhiani (9), at Jhurel Zimmerman (5).

Pagmamalaki naman ni Gelli, walang tulak-kabigin ang mga nasalang kabataan dahil sa brilyo at talent ng mga ito. Hindi naman daw mag-dadalawang-isip ang dating mainstay at original cast member ng Tropang Trumpo na ibahagi sa mga bata ang husay niya sa comedic timing kung kinakailangan.

Habang halos lahat ay may angking husay sa pagkanta, pagsayaw at pag-arte, may ilan din na nagtataglay ng ibang abilidad tulad ng walong taong gulang na si Josh Clement Eugenio na marunong tumugtog ng violin at gitara. Minsan din ay nagmomodel si Josh. Posible rin maging susunod na child wonder si Jonicka Cyleen Movido, limang taong gulang, na marunong mag-rap at umarte. Makakasama ng Top 11 kids ang 24 pang chikiting na magdadagdag ng kakulitan sa programa.

Ilan sa mga aabangang segment sa Tropang Kulit ang Peace to Peace, Kidliit, e.Byahe, Tanongers Sagoters, Itanong kay Butch, Idolo ko Sikat, Instacook, Ano 'Toh?, Payong Maliit at Detective Ed.

Huwag palalampasin ang bagong kahuhumalingan ng buong pamilya, ang Tropang Kulit, tuwing Sabado ng gabi simula Mayo 11, alas-7 sa TV5.

JULIA AT ENRIQUE, BIBIDA SA UPCOMING PRIMETIME BIDA TELESERYE NG ABS-CBN

Opisyal nang inihayag ng ABS-CBN kamakailan na sina Julia Montes at Enrique Gil ang lead stars ng pinakabago at pinakaaabangang Primetime Bida teleserye ng Kapamilya network bilang bahagi ng pagdiriwang ng 60 taon ng Philippine Television. Mula sa matatagumpay na teleserye ni Julia na "Mara Clara" at "Walang Hanggan," at ni Enrique na "Budoy" at "Princess and I," muling magbabalik sa Primetime ang dalawa sa pinakasikat na Kapamilya young stars upang pagbidahan ang panibagong obra na tiyak na magbubukas sa puso ng bawat manunuod. Sa pananabik ng buong sambayanan sa kanilang tambalan, naging usap-usapan agad sa mga social networking site tulad ng Twitter ang bagong proyekto nina Julia at Enrique kaya naman mabilis din naging bahagi ng nationwide trending topics ang mga hashtag tulad ng #ExcitedForJuliaMontesAndEnriqueGilTeleserye at #HappyJulQuenDay. Abangan ang pinakabagong teleseryeng pagbibidahan nina Julia at Enrique sa Primetime Bida ng ABS-CBN.  Para sa karagdagang updates, mag-log on lamang sa www.abs-cbn.com o sundan and abscbndotcom sa Twitter.

CAST NG “JUAN DELA CRUZ,” MAKIKIPAG-BONDING SA KAPAMILYA FANS SA SAN PABLO NGAYONG SABADO

Bilang pasasalamat sa walang-sawang pagsuporta ng buong sambayanan sa Kapamilya Network, isang bonggang bonding experience ang ihahatid ng "Juan dela Cruz" cast na sina Coco Martin, Erich Gonzales, Arron Villaflor, at Neil Colleta ngayong Sabado (Abril 27), 2pm, sa San Pablo Central School Stadium, Laguna, para sa 'Bida Kapamilya' project ng ABS-CBN. Abangan ang pagbisita nina Coco, Erich, Arron at Neil ngayong Sabado at makisaya sa non-stop surprises at production numbers na kanilang inihanda para sa loyal TV viewers ng Kapamilya network. Huwag palampasin ang paboritong superhero ng mga Pilipino, "Juan dela Cruz," gabi-gabi pagkatapos ng "TV Patrol" sa Primetime Bida ng ABS-CBN. Para sa karagdagang updates tungkol sa "Juan dela Cruz," sundan ang @JUANDELACRUZ_TV sa Twitter o i-like ang official Facebook fanpage nito na http://www.facebook.com/JuanDelaCruz.TV.

Derek Ramsay and Eula Caballero team up for Kidlat finale

TV5's top-rating program Kidlat ends its first season with an epic superhero crossover. In the final two weeks of the series, Kidlat (played Derek Ramsay) finds an ally in the newest superhero in town, the warrior angel Cassandra. Primetime Princess Eula Caballero suits up and joins forces with Kidlat as they fend off forces of evil. This superhero pairing not only gives way to the much-anticipated airing ofCassandra: Warrior Angel (slated to replace Kidlat), but also gives hope to fans of the show that TV5 will come up with new and exciting superheroes in the future.

"This is only one of the many superhero crossovers that we plan to produce in the future," TV5 FVP for Creative and Entertainment Production Perci Intalan confirmed. "Viewers have responded so well to Kidlat and we hope that this fresh offering will be something that the fans will enjoy."

Along with this thrilling development, Kidlat celebrates its successful run by inviting all superhero aficionados to the first-ever Kidlat Konvention happening on Sunday (April 28) at the Annex Event Area of SM North EDSA. In partnership with SMART and Cosplay.ph, Kidlat Konvention will feature the cast of Kidlat, led by Derek, and Cassandra herself (Eula Caballero) to meet and greet fans.

Event attendees will surely enjoy the fun booths and activities in store, which include henna tattoo sessions, photobooths, games, and the much-anticipated Cosplay Competition. Amazing prizes also await those who will come in superhero costume.

"We're all excited to be part of the Konvention," Derek shares. "This show was first introduced in Cosplay Mania last year and it's only fitting that we end our first season with our own cosplay event."

Continue supporting Kidlat in his journey. Don't miss the exciting event and be sure to catch the action-packed two week finale of Kidlat's weekdays, 7:00PM only on TV5.